ماله داعي اني اقسم بالله العلي العظيم اني ما شفت شعب غير الكويتيين بكل برود واهو ماشي بسيارته ينزل الجامة ويقط زبالته بالشارع. طبعا ما اقول الكل لكن نسبة كبيرة منهم.
أخلاق ماكو!!!
واللي يبط الجبد انك لو ادش بيته اكيد ماراح يرضى انك تقط زبالتك عنده. اذا ما ترضاها عيل ليش ترضى انك اتقط زبالتك فبيتنا كلنا؟
ذاك اليوم فمواقف 360 ركب واحد من الشباب اياهم سيارته، نزل الجامة جان يقط جيس في بطل عصير وكلنكس والمشكلة ان في زبالة مثله على بعد امتار منه!!!
صج عديمين تربية، واي واحد فيكم قاعد يقرا هالمقال ويسويها اقولك استح على ويهك لو مهما اتكون حتى لو كنت عمي.
ندري ان في بنغالية ينظفون من وارك لكن خلك خلوق لان شكلك صج هيلق لما تسويها.
المشكلة ان نفس هالشخص في امه خير خل يسويها لما يكون برة ديرته. ابوي ما يقدر الاعلى امي لانه تدرون ليش؟ من أمن العقوبة أساء الأدب. يا ماكو قانون ولا امو بس مو مفعل والدليل ان حتى شرطتنا المحترمين يسوونها.
روحو شوفو سنغافورة، اللي ولد ابوه يقط زبالة في الشارع راح يدفع اكثر من معاشه غرامة واذا ما فيها سجن بعد.
أخلاق ماكو!!!
انما الأمم اخلاق وإذا ذهبت أخلاقها ذهبوا
اي والله اي والله اي والله
ReplyDeleteوالله ضربت عالوتر
الله يلعنهم الله يلعنهم الله يلعنهم..ويلعن كل واحد يقط زبالته بالشارع
إن شاء الله يموت اليوم
آنا مرات تدري شسوي؟ لما أشوف واحد قط شي بالشارع أنزل قباله وأروح أشيله! أهو ويهه يصير كبر إبهام ريوله حشاك
بس للأمانة أكثر الشعوب العربية جذي، شكلك ما تسافر غير أوروبا يالحبيب :-) مو زين تروح العراق! مع الأسف الناس عايشين بزبالة، ما عندهم شي إسمه زبالات أصلا..صج قاعد أتكلم حتى في بيوتهم يمكن بالبيت كله في تب صغيــــر بالحمام وبس
وإنما الأمم الأخلاق ما بقيت *** فإن همُ ذهبت أخلاقهم ذهبوا
واحنا مع الأسف ذهاب بلا إياب، يا ريت يصير في قانون ثارم بهالسالفة إلي تسم البدن
أشكرك يا ولد الخالة واشكرك على تصحيح بيت الشعر لأني حسيت ان في شي ناقص.
ReplyDeleteواحرجتني لما قلت شكلك ما تسافر الا دول اوربية :)
لا اسافر دول خليجية حبيبي :)