ترتيب اللي ما يردون على احد في تويتر

عبّر الدكتور عبدالله المطوع عن سعادته لاحتلاله المركز الاول في قائمة اكثر الناس تأثيرا في تويتر في دولة الكويت وادناه الرابط تقدرون اتشوفون

http://t.co/LtcFmA5

طبعا راح تلاحظون ان اغلب العشرة الأوائل في القائمة هي من المشاهير وراح تشوفون قبالهم ٣ عواميد من النسب المؤوية واهي من اليسار لي اليمين تعبر عن نسب التأثير والتفاعل والنفوذ.

ما يهمني انا اهي نسبة التفاعل. اللي يحز بالنفس ان من هؤلاء المشاهير رافعين الجامة على المغردين ومايردون على احد. طبعا نعذرهم على المنشنز الكبيرة اللي تييلهم باليوم ولكن تظل انت انسان مشهور وجميل انك تتفاعل مع متابعيك علشان اتحسسهم بقيمتهم كماتبعين. فنصيحتي للي راح اذكرهم الحين انك اتخصص لو ربع ساعة من وقتك باليوم انك ترد على متابعيك وتتفاعل وياهم

القائمة ادناه هو اعادة ترتيب اكثر المغردين تأثيرا في الكويت الى اكثر مغردين رافعين الجامة

١-الدكتور عبدالله المطوع
١مكرر-بوراشد (هذا حتى ما يرضى الناس تسويله ريتويت) ابي انحس
١ مكرر- اسيل العوضي
١ مكرر- الشيخ احمد الفهد الصباح
١ مكرر- سيد محمد الطبطبائي (الدكتور في كلية الشريعة) اذا ماني غلطان
١ مكرر- دكتور عبيد الوسمي (ناعت الكويتيين بالكلاب) عليك من الله ماتستحق
١مكرر- الدكتور احمد المليفي وزير التربية
٢- وليد الطبطبائي والملقب في تويتر اطبطب
٣-الشيخ نبيل العوضي

الأوائل المكررين نسبة التفاعل عندهم صفر في المئة يعني سحبة قهر ساحبين على المغردين اما الثاني والثالث فيتفضلون عليك بالرد.

فنصيحتي يا سادة يا افاضل انكم تتفاعلون اكثر مع مغردينكم

Don't forget to follow me @bo_hamad82 on twitter



- Posted using BlogPress from my iPad