اللي يموت من الضحك والبجي بنفس الوقت التعليقات على فيديوات اليوتيوب مالت عاصفة الغبار اللي صارت يوم اليمعة اللي فات. سمعو المسخرة:
السنّة يقولون هذا عقاب للروافض على اللي قاعدين يسوونه بالبحرين.
الشيعة يقولون هذا عقاب للسنّة على اللي قاعدين يسوونه بالشيعة على البحرين.
مالت على عقلياتكم وطائفيتكم اللي مسوسة مخوخكم للأسباب التالية:
١. العاصفة صارت بالكويت شدخل البحرين بالسالفة؟ لايكون هذي المعارضة الكويتية اللي قاعدة تتظاهر البحرين ولا الكويت اللي دازة جيشها؟
٢. اذا هذا عقاب على الروافض عيل شكو السنة المساكين كلوها حالهم حال الروافض؟
٣. اذا هذا عقاب على السنّة شذنب الروافض ياكلونها اهم بعد؟
يعني انتو ويا مخوخكم ماكو شي اسمه ظاهرة طبيعية؟
كل ما انزلت قطرة من السما قلتو هذا عقاب من الله!
وتبون تتطورون بعد؟
اقول اتفو على تفكيركم.
- Posted using BlogPress from my iPad
No comments:
Post a Comment