منوعات رمضانية

* يضحكني اللي ما يدل درب الله طول السنة وبس برمضان يعطيها ديانة.

* ليش ما يحلى القز بالممشى الا برمضان لا وقبل الفطور.

* يضحكني اللي بتويتر طول السنة #رويشديات وبرمضان يدوره ادعية.

* تكفون فرشوا اسنانكم.

* ضحكتني فاطمة عبد الرحيم بالحلقة الاولى مالت حليمة بارك صارة مكوتها يعني كيم كارداشيان. اقول مالت عليج بس. لا والحاوجب بس.

* سؤال حق اللي كله منفس برمضان، ليش كله منفس؟ زعلان على ربك انه فارض عليك الصيام ولا شنو؟

* ليش الهواش على الجمعيات قبل رمضان بجم يوم؟ شهر مجاعة ولا الاكل بيطير؟

* ليش المسلسلات الخليجية كلها بجي ودموع وحزن؟ فاهمين الدراما غلط.

* من كثر المسلسلات الممثلين ما يكفون. الممثل يطلع بعشرين مسلسل ويختلط الحابل بالنابل.

* اسخف شي برمضان هبة مشاري حمادة ومسلسلاتها.

* اتضحكني الموظفة و طالبة الجامعة اللي تتمكيج طول السنة واول رمضان تهد المكياج وعقبها باسبوع اترد تتمكيج ١٠ ايام وفجأة تترك المكياج باجي الشهر. انا اقول لو تعلقين كوتكس بجبهتج وايد استرلج.

* في شعوب مو لاقية تاكل وحريمنا يتحدون بعض بالقرقيعان ليما توصلقط لي آلاف الدنانير ولا عزاء للزوج. اتقوا الله لا يخفس فيكم الارض.

* امام صلاة التراويح صار نفس المطرب اللي صوته احلى عنده فولورز اكثر. فاهمين شروط الامامة غلط.

* الله يرحم رمضان قبل لما الصواني تفتر بين الجيران.

* اول يوم برمضان ١٦٠٠٠ غالون امبراطوري من الدموع ذرفت بالمسلسلات. شخليتو حق الباجي؟

* ما ندري عن كتاب الله طول السنة بس برمضان نفتحه جنها مجاملة وجان زين نأتمر بأوامره وننتهي عن نواهيه؟

* ابي ممثلة حلوة ولا جسمها حلو بمسلسلاتنا ماكو لا و جان زين يعرفون يمثلون.





- Posted using BlogPress from my iPad